O enxeñeiro de Telecomunicacións galego Rafa García, consultor de produtividade de Valor20.com, vén de acadar o primeiro premio no concurso convocado por Evernote a finais de 2017 para fornecer, entre consultores certificados nesta aplicación de toda Europa, licenzas de Evernote Business. Segundo nos conta o propio Rafa García, esta plataforma facilita o fluxo de coñecemento nas organizacións e conecta directamente cun dos lemas que o propio consultor galego persigue activamente cos seus clientes: “O coñecemento pertence á organización, non as persoas”.

Para a consecución do premio foi clave a implantación de Evernote Business na multinacional de enxeñería Gantrex. Dende A Coruña e facendo uso das novas tecnoloxías, Rafa impartiu formación a equipos deslocalizados por todo o mundo (Dubai, Alemania, EEUU, Canadá, Singapur, Bélxica…) e rematou a primeira parte do proxecto cunha sesión de traballo na sede central da compañía en Bruxelas.

O vindeiro 20 de febreiro Rafa dará unha charla na sede de ASCEGA (Asociación Profesional de Autónomos, Emprendedores e Empresarios de Galicia). sobre as virtudes da ferramenta Evernote, deseñada para “expandir a nosa memoria” e permitir ás persoas lembrar todo o que precisen no momento e lugar no que o precisen. En detalle, Evernote Business é un recurso de organización e produtividade que, entre outras cousas, permite realizar seguimento e xestión de todos os detalles que fan que os nosos proxectos tecnolóxicos avancen, achegando (entre outros) os seguintes servizos: xestión doada dos usuarios dun equipo, asistencia prioritaria e facturación sinxela de conta, continuidade de datos a medida que os equipos evolucionan, etc.

 

ATRIBUCION: esta publicación es una copia literal de la aparecida originalmente en Codigo Cero (autor: Fernando Sarasketa)


ASCEGA participa en el programa "Catalizador de Oportunidades de emprendemento xove transfronterizo" (acrónimo LIDERA)

Dejate asesorar por el Grupo de Hostelería ASCEGA

Biopsia Liquida ONCOMET

Evento Re-Cuerda #byASCEGA

Evento Re-Conoce #byASCEGA

Evento Re-Emprende #byASCEGA

Suscríbete al Newsletter!

Términos y Condiciones
(por supuesto, podrás darte de baja cuando quieras, sin preguntas, sin molestias!)